«Міржақып. Оян, қазақ!» картинасы бір аптадағы кассасы жөнінен басқа фильмдерді басып озды
Қазақстандық «Міржақып. Оян, қазақ!» фильмінің өткен аптадағы кассалық жиналымы шетелдік киноларды басып озды. Тicketon.kz сайтының мәліметінше, отандық фильм 107 млн 67 мың теңге қаражат жинаған, деп хабарлайды INFOTIME.KZ ақпараттық порталы KAZ.NUR.KZ. сілтеме жасап.
«Міржақып. Оян, қазақ!» фильмі 107 млн 67 мың теңгемен бірінші орынға шықса, екінші орынды отандық комедиялық фильм — CocoJanbo 62 млн 572 мың теңгемен иемденген. Ал «Изгоняющий дьявола: верующий» шетелдік фильмі 45 млн 371 мың теңгемен үшінші орынға жайғасқан. Сонымен қатар үздік тоғыздық қатарында отандық «Байдың қызын аламын» және «Белгісіз батырлар» фильмі де бар.
